Heimskulegt og alltaf verður það hallærislegra og hallærislegra.

1. Hvað fólk er þetta - af hverju er það ekki að vinna/læra á þessum tíma dags?

2. Þetta eru réttkjörnir fulltrúar þjóðarinnar, sem notabene meirihluti landsmanna kaus í lýðræðislegum kosningum, á leið til vinnu sinnar - hvað er að ykkur?

3. Konan þarna í byrjun (hin kallaði hana Möggu held ég) er að hvetja fólk til að kasta grjóti í ráðherra landsins - hvaða skynsamlegu rök eru fyrir því og hverjum dettur svona lagað í hug?

 

Ég geng út frá því að þessi tiltekni hópur mótmælenda viti nákvæmlega ekkert hvað það var að gera þarna í morgun, bara mættu til að komast hugsanlega í sjónvarpið eða eitthvað álíka hallærislegt.

 

Ríkisstjórnin inn um bakdyrnar

Athugasemdir

[Tinna Gunnarsdóttir Gígja, 16.12.2008 kl. 16:48]

Hún hvatti hvergi til grjótkasts - sumir virðast bara heyra það sem þeir vilja. Hún benti einfaldlega á að víða annarsstaðar væri grjóti efalaust kastað. Sjáðu bara mótmælin í Aþenu!

[Martha Elena Laxdal (IP-tala skráð) 16.12.2008 kl. 17:10]

Já, hlustaðu á Tinnu því ég heyrði það samaog hún. Magga Stína var aðeins að velta vöngum yfir því sem koma skal þegar allt sýður upp úr eftir áramót. Mælist til þess að þú setjir þig í spor þeirra sem verst standa - því það ætti að vera mælikvarðinn á velferðarþjóðfélaginu - hvað myndir þú gera ef þú misstir húsið/íbúðina sem þú vannst fyrir hörðum höndum, misstir vinnuna, misstir fjölskylduna, ættir ekki fyrir mat? Og það væri vegna þess að fjárglæframenn og óstjórn ríkisins ollu þessum hlutskiptum þínum. Myndirðu ekki skipta um skoðun varðandi þessa "lýðræðislegu kjörnu ráðamenn"?

Málið er að almenningur vill að ríkisstjórnin taki ábyrgð á gjörðum sínum ,viðurkenni óstjórn sína og segi af sér vegna vanhæfni , því hvað er þetta annað en vænhæfni þegar svokallaðir menntamenn og fræðingar geta ekki stjórnað landinu á mannsæmandi hátt. 

Við þurfum að geta treyst forráðamönnum landsins fyrir velferð okkar sem heildar. Og við megum ekki við því að glata siðferðinu og réttlætiskenndinni. Og alls ekki selja heilbrigt gildismat fyrir peninga.

[Maynard (IP-tala skráð) 16.12.2008 kl. 17:25]

Það eina sem er heimsku- og hallærislegt í þessari umræðu eru blogg í þessum anda. Fólk sér það sem það vill sjá, og þetta blogg er lýsandi fyrir það.

"Ég geng út frá því að þessi tiltekni hópur mótmælenda viti nákvæmlega ekkert hvað það var að gera þarna í morgun, bara mættu til að komast hugsanlega í sjónvarpið eða eitthvað álíka hallærislegt."

Ég geng síðan út frá því að þú hafir ekki hugmynd um um hvað þú ert að tala, og að þetta sé mest megnis að koma út um óæðri endann á þér.

P.s. hvernig er tilfinningin að styðja einstaklinga sem að hafa gert þetta land gjaldþrota? Ég er viss um að þú sefur vel á næturnar.

[einar (IP-tala skráð) 16.12.2008 kl. 18:11]

Ertu með vonda samvisku? Að verja einhver leyndarmál? Með reikning í Lúx?

Svona ábyrgðarlaus skrif gera mig foxillan! Hún Magga Stína benti á að allstaðar... allstaðar annarsstaðar en á þessum asnalega klaka myndi fólk ekki sætta sig við hlutina. Hún hvatti ekki til grjótkasts. Sagði að víðast hvar annarsstaðar væri búið að grípa til þess konar aðferða..

kv e

[Marilyn, 17.12.2008 kl. 00:10]

Eru ekki 8000 manns orðnir atvinnulausir á Íslandi? Kannski var þetta hluti af þeim hópi... fólk sem hefur hreinlega ekkert betra að gera. Með vaxandi atvinnuleysi skapast nefnilega bæði vaxandi tækifæri, tími og ástæður til að mæta og mótmæla.