Enn á lífi!!!!

Já þá er fyrri önnin yfirstaðin hjá mér og gamli staurfótur enn að meðal jarðabúa. Verð að viðurkenna að það kemur svolítið á óvart. En það hafðist semsagt að komast í gegnum þessa önn og með þeim afleiðingum að námslánin voru greidd út - það var eitt aðalmarkmiðið með allri þessari vinnu og það kostaði mig reyndar margrar flöskur af svitalyktaeyði að ná markmiðinu. 

Seinni önnin er nú komin á fullt skrið og gamli staurfótur hefur í nógu að snúast og þá aðallega að blaða í sögunni, en hann er svo einstaklega heppinn að fá hér þetta gullna tækifæri til að lesa uppáhalds efniviðinn, nefnilega að kafa í djúpt í heimspekina allt frá 800 f.kr. og rúsínan í pylsuendanum er, að auðvitað er þetta alltsaman á flóknustu dönsku sem hugsast getur. Hver hefur ekki gaman af því að rifja upp kosti og galla raunhyggjustefnunnar, hverjum langar ekki að vita allt um tvíhyggjuna, hvað er betra en að hlamma sér upp í sófann og sjúga upp i sig hugmyndafræði húmanismans. Sumir eru bara einfaldlega heppnari en aðrir.

Jæja þetta verður að duga í bili því að ég get bara ekki haldið mig frá frjálshyggju lestrinum.

later

 

 

Athugasemdir

[Berglind Bára (IP-tala skráð) 13.2.2008 kl. 13:21]

Gaman að sjá að þú ert mættur aftur í bloggið. Maður var orðinn úrkula vonar að heyra í þér framar á þessum vettvangi. Keep up the good work