Thierry Henry verður spilandi þjálfari KR!!!

KRingar ætla að snúa við blaðinu, svo um munar, á íslandsmótinu í knattspyrnu. Nú er það staðfest að Teiti Þórðasyni hefur verið sagt upp störfum sem þjálfari liðsins og í hans stað hefur verið ráðinn, enginn annar en sjálfur Thierry Henry fyrrum leikmaður Arsenal.

Thierry verður spilandi þjálfari og mun þetta næsta víst bæta úr markaþurrð vesturbæjaliðsins. Liðinu hefur gengið illa að skora og hafa mörg dauðafærin farið forgörðum á yfirstandandi tímabili. Það vandamál er nú örugglega úr sögunni.

Eins og fram kom í fjölmiðlum í gær var Thierry á leið til Barcelona og var þar um leikbrellu KR-stjórnarinnar að ræða, en þeir vildu halda þessu leyndu þar til samningar hefðu verið undirritaðir. Það hefur nú verð gert og hefur Thierry gert 3ára samning en getur þó yfirgefið liðið, falli það úr úrvalsdeildinni á þessum tíma. Það verður þó að teljast ólíklegt eftir þetta snilldar útspil KRinga.

Það verður erfitt að horfa á eftir Thierry yfirgefa Arsenal en hann verður auðvitað að hugsa um eigin hag og þetta var hans val. Haft var eftir honum að hann og konan hans hafi lengi haft þann draum um að geta sest að á Íslandi einn daginn og sá draumur sé að rætast núna.

KR-stjórnin hefur neitað að gefa upp kostnaðinn sem þessu útspili fylgir en þeir hafa þó sagt að þetta sé peningana virði, hvað svo sem þeir meina með því.

Áfram KR!!!

 

Athugasemdir

[g-strengs gellan (IP-tala skráð) 25.6.2007 kl. 12:58]

og ég sem gaf KR treyjuna mína..   mundi ekki að þú værir ká err- ingur. (hún var of stór á mig, hefði sko passað á þig) En eins og sönnum stuðningsaðila sæmir geri ég ráð fyrir því að þú eigir eitt stk.