Gott í kroppinn!!

Einhver sagði eitt sinn að maður ætti ekki að borða vini sína. Það er margt til í þessari skipun en ég gerði það nú samt núna í hádeginu og ekki bara einn heldur tvo.

Ég get nú alveg játað að ég finn fyrir samviskubiti en þeir voru bara svo freistandi að ég réð ekki við mig. Og svo var ég líka bara svo svangur.

Ég vona bara að þið dæmið mig ekki af þessu því að ég er ekki vondur maður að eðlisfari, er reyndar góður maður með eindæmum. En allir hafa sína galla og veikleika og ég var sigraður í þetta skiptið af veikleikum mínum.

Þið eruð kannski farin að velta því fyrir ykkur um hvað í andskotanum ég er að tala en þið sem þekkið kauða vitið það auðvitað. En fyrir ykkur hin þá er ég að sjálfsögðu að tala um góðvini mína, sem bera reyndar sama nafnið, en það er Mc Donalds ostborgari.

Ljúfur biti þar á ferð.

Athugasemdir

[g-strengs gellan (IP-tala skráð) 20.6.2007 kl. 23:55]

Jaa hérna hér..... sama sagan á þessum bæ, nema aðrir vinir U know.... þessir sem við reyndum að láta fljúga hér í old days ofan af klettinum.... Og ég sprakk,,, gat ekki klárað minn. Illa farið með féð því það kostaði sitt